يبـه .. كلمه يمكن اكثر من 10 مرات نقولها باليوم .. يبـه .. كلمه يمكن بالنسبه لنا كلمه عاديه مافيها شي غريب ولا ملفت .. يبـه كلمه قالها الصغير قبل الكبير .. بس يمكن قالوها بدون مايحسون وش تعني .. انا كنت مثلكم موحاسه وش معناها .. بس اللحين بغيت اوصف لكم احساسي بهالكلمه .. ( يبــــه )

يبـه .. بهديك كلماتي البسيطه اللي ماتوصف شي من غلاك .. يبه .. يااحلى كلمه بالدنيا ..يبه .. هالكلمه اللي لما اقولها ينرفع راسي بشكل عفوي  .. يبه .. هالكلمه اللي لما اقولها احس بكل ثقه وامان .. ولما اناديك ( يبه ) احس اركان المكان تهتز .. ماكنت اعرف معناها الا اللحين .. لما تذكرت عمري اللي قضيته بأحضانك .. لما حسيت اني مقصره بحقك .. حتى الزمن والوقت قصر بحقك أقلها يوم لك يحمل اسم ( يوم الاب ) مافيه .. لكل شي يوم يحتفلون الناس فيه .. بس كيف نسوا او قصروا بهالطريقه ونسوا يخلون لك يوم .,, بس تدري يبـه انا ماألومهم لان يوم ابد مايكفيك انت يبه لو عمري كله مايكفيك ولا الدهر بحاله .. انت كل يوم يومك يبه كل يوم اسمه ( يوم الاب ) كل يوم انت انت ( يبـه ) ..

لما جلست افكر بنفسي وشو الاشياء اللي تسويها لنا غير الاشياء التقليدية زي العمل و الصرف ... الخ ..

بصراحه ماتوقعت القا كل هالاشياء وكيف كنت غافله عنها .. يبه ودي اقول لك كل شي انت تسويه لنا ويمكن ماتكون مسويه عشان واجب لا عشان حبك لنا واهتمامك فينا  اللي يمكن كنا فاهمينه بشكل طبيعي ..

تذكرتـــ ... لما تجي ليله نسمع فيها صوت او شي ونرجف من الخوف  .. كنا نركض وننادي ( يبـه ,, يبـه ) ولقيت مستحيل كلمه تحل مكانها في هذا الموقف .. تعرف ليه يبـه ؟؟ لانك بالنسبه لنا القوه والامان .. لانك سندنا بالدنيا .. لانك معنى الثقة عندنا ..

تذكرتــ .. لما يجي احد من يمرض او تعب او صار فيه شي .. نركض لك وننادي ( يبـه .. يبـه ) وتجي ووجهك مليان بالخوف علينا .. نبرتك اللي تتغير لما تشوفنا مريضين ولا فينا شي .. قلقك علينا اللي مالاحظناه  واعتبرناه شي طبيعي ..

تذكرتــ .. لما كنا صغار اول ماننجح نركض بالشهاده ونناديك ( يبه .. يبه ) نجحت وبتقدير ممتاز بعد وترفع راسك وعلى وجهك الابتسامه الطاهره .. وتعطينا هديه النجاح .. ماحسينا الا بنجاحنا,, ماحسينا بنجاحك اللي وصلتنا بعد الله لهذا النجاح .. وافتخارك فينا وانت راضي عن نتايجنا ..

وكثيــر كثيــر مواقف ولو بعدها ماراح تخلص .. بس الكلمات ماراح توصف شعوري .. انت يبـه معنى حياتي كلها ,, انت معنى شموخي وعزتي ,, انت لما اشووف الخوف مااصرخ الا بأسمك ايه ايه ( يبــه ) ..

انت السيف اللي حاربت فيه كل مخاوفي و احزاني ,, وانت النور اللي نور لي طريقي .. وانت اليد اللي انمدت لي من اول حياتي وو صلتني للي انا فيه .. كنت احسب طول مدة غيابك عن البيت بحكم الشغل .. للحظه فيه شي من المتعه ,, مادريت ان كلها عشانا عشان ماتخلينا نحتاج شي .. عشان بـس تشوف الفرحه على وجيهنا .. انت ( يبـه ) تاج على راسي .. وبفتخر فيــه طوول عمــري .. يبـه اخر كلماتي انت .. مو جرد ( اب ) انت العايله كلها وانت عامود البيت .. الله لا يحـرمنــا من وجودك و  لاا من حنانـك اللي يعطينا امل في الناس وفي بكــرا ..

(يبـــــــــــه ) ..

اهداء الى ابــــي ...

بقلمي // قمـــر ..